Згаснува мундијалскиот сон: Висок пораз на ракометарките во Романија

Се надевавме дека можеме нешто да направиме, но сепак Романија е селекција од светскиот крем и против една таква селекција е тешко да се игра.

Женската репрезентација на Македонија денес на гостински пораз доживеа висок пораз од 11 гола разлика (33:22). Со ова сонот за Светско првенство веројатно згаснува затоа што не е реално да очекуваме дека во Скопје ќе ја надополниме таа разлика.

Денес немавме решение за Кристина Неагу која натпреварот го заврши со 11 гола од 15 обиди, кај нас стандардно Сара Ристовска беше најефикасна со осум гола, Јаневска и Стојковска постигнаа по пет.

Романија почна да го трасира патот кон победата уште во првите 20 минути кога водеше со 12:4. Потоа ние најдовме излезе од агонијата, па на полувреме имавме пристојна негатива од четири гола (15:11).

Во вториот дел сепак Романките додадоа гас и обезбедија висока победа. Следниот натпревар се игра за четири дена во СЦ „Јане Сандански“.


Извор Sportski.mk

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде