Министерот за здравство, Венко Филипче денеска изјави дека доколку не се намали бројот на новозаразени ќе се продолжи полицискиот час и ќе се скрати работното време на угостителите.
„Не е исклучено Комисијата за заразни болести да предложи и дополнителни рестриктивни мерки против ширењето на болеста. Сепак тие мерки би биле во вид на зголемување на времетраењето на полицискиот час и скратување на работното време на угостителските објекти“ – рече денеска Венко Филипче.
Тој додаде дека очекува мерките кои се на сила ќе го намалат бројот на новозаразени, а проценка за нови мерки ќе се прават на почетокот од следната недела.
„Денес имаме бројка на новозаболени под 1000, значи помалку во однос на вчера и очекуваме така да продолжи. Овие мерки го даваат резултатот во првите десет со четиринаесет дена, ќе ги анализираме податоците. Доколку е потребно, одлука ќе носиме в понеделник“ – додаде министерот.