Убедлива победа на Македонија против Исланд, блескаше Ристовска

Репрезентативките на Македонија со победаги започнаа квалификациите за Светското првенство.

Квалификацискиот турнир кој се игра во СЦ „Борис Трајковски“ нашите девојки денес го стартуваа со Исланд. Исланд на стартот од натпреварот добро отвори и направи предност од 2:7.

Но, од тој момент нашата селекција предводена од одличната Сара Ристовска успеа да направи пресврт. Од тие 2:7 до крајот на првиот дел Исланѓанките постигнаа само еден гол, па ние имавме предност на паузата 11:8.

Во вториот дел Исланд ни се доближи, меѓутоа кон крајот одново ние бевме репрезентацијата која ги контролираше работите на теренот.

Се стануваше јасно кога во последните пет минути влеговме со предност од четири гола разлика (21:17).

До крајот постигнавме уште три гола за конечни 24:17. Најефикасна кај нас беше Ристовска со 11 постигнати голови, зад неа следуваше Ѓоргиевска со шест.

Следниот натпревар девојките го играат веќе утре во истиот термин против Литванија.

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде