Генералниот директор на СЗО, Тедрос Адана Гебрејесус изјави дека загрижувачки е што четврта недела по ред бројот на заболени се зголемува, откако претходно шест недели се намалуваше.
„По шест недели опаѓање на случаи со Ковид-19 во јануари и февруари, сега имаме четврто последователно зголемување на бројот на случаи. Во моментов, бројот на смртни случаи продолжува да опаѓа, но со побавно темпо.“- рече Гебрејесус.
Според СЗО, во последните 24 часа се регистрирани повеќе од 535.000 нови случаи на заразени со Ковид-19, а речиси 10.000 луѓе починале.
Најмногу регистрирани заразени од Ковид-19 има во САД – 29 милиони, следуваат Бразил и Индија со повеќе од 11 милиони. Македонија од почетокот на пандемијата до сега регистрирала околу 118.000 заразени.