Се огласи Ањели: Суперлигата нема да се реализира, англиските клубови имаа политички притисок

Претседателот на Јувентус и еден од основачите на Суперлигата, Андреа Ањели потврди дека новиот проект пропаднал поради излегувањето на англиските клубови.

Ањели истакна дека англиските клубови имале голем политички притисок и морале да ја напуштат Суперлигата, но потврди дека системот на УЕФА е нетранспарентен и мора да се промени.

„Морам да бидам искрен и да потврдам дека Суперлигата нема да се реализира. Случајот е таков, но јас останувам убеден во кредибилноста на тој проект. Тоа ќе беше најдобро натпреварување во светот и целата фудбалска пирамида ќе имаше бенефит. Англиските клубови имаа политички притисок и мораа да излезат“, изјави Ањели.

„Нема да кажам колку клуба во последните 24 часа ме контактираа и сакаа да влезат во Суперлигата. Диалогот со УЕФА мора да продолжи бидејќи нашата индустрија се движи во погрежен правец поради нетранспарентност“, додаде претседателот на Јувентус.


Извор Sportski.mk

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде