„Повеќе сакам да го решам натпреварот со Македонија, отколку да постигнам гол за утеха со Германија“

И Романците како и ние се подготвуваат за натпреварот кој ќе го играме утре во стартот од квалификациите за Светското првенство во 2022 година.

Пред овој дуел Романија се соочува со недостаток на голгетери, а единстен класичен напаѓач ќе им биде Џорџ Пушкаш. Во изјава пред натпреварот Пушкаш порача дека повеќе би сакал да го реши натпреварот со Македонија отколкку да постигне утешен гол со Германија.

„Гол за репрезентацијата нормално дека е нешто посебно. Во националниот тим секогаш доаѓаме со иста желба, сакаме да бидеме успешни и да играме на големите турнири. Сега пред нас се нови квалификации. Повеќе би сакал да постигнам решавчки гол со Македонија отколку гол за утеха против Германија. Моите голови не ми значат многу ако мојата репрезентација нема успех. Голема работа би била за цела земја да обезбедиме место на СП“, изјави Пушкаш.

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде