Пандев: Зошто да не направиме чудо против Германија?

Капитенот на Македонија Горан Пандев денес присуствуваше заедно со селекторот Игор Ангеловски на прес-конференцијата пред натпреварот против Германија.

Пандев добро знае дека Германија е фаворит, но посочи дека во фудбалот чуда се случуваат.

„Знаеме против кого играме, чест е да се игра против една ваква селекција. Сите знаеме со каков квалитет располага Германија и посебен мотив не ни е потребен. Сме покажале и во минатото дека знаеме да играме со големи селекции, верувам и дека Германија знае за нашиот квалитет. Знаат дека не сме репрезентацијата пред пет-шест години. Нормално, тие се фаворити, меѓутоа чуда во фудбалот се случуваат, па зошто да не се случи утре? Ќе ни треба среќа, ние немаме што да изгубиме. Знам дека ние ќе дадеме и повеќе од 100%“, порача Пандев.

Германија е домаќин на Македонија утре од 20:45 часот.

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде