Откриени деталите: Клубовите од Суперлигата тонат во долгови

Одлуката 12 европски гигнати да формираат нова Суперлига предизвика бура на реакции во фудбалска Европа.

УЕФА веднаш реагираше и се закани со исфрлање на овие клубови од националните првенства и забрана нивните играчи да играат во репрезентациите.

Фудбалскиот свет смета дека ова е „игра на богатите“ кои само сакаат да го зголемат профитот.

 Меѓутоа, претседателот на Суперлигата, Флорентино Перез вели дека ова е проект за „спасување на фудбалот“, бидејќи во време на пандемија клубовите се натрупани со долговори и им се заканува бакрот, а УЕФА не им нуди никаква помош.

Медиумите денес детално ги објавија долговите на сите 12 клубови кои ја формираа Суперлигата и тие се навистина загрижувачки.

Најмногу долгови има Челзи, нешто повеќе од 1,5 милијарди евра, а потоа следува Тотенхем со 1,28 милијарди евра и Барселона со 1.17 милијарди евра.

Реал Мадрид има долгови во висина од 901 милион евра, Интер (630), Манчестер Јунајтед (528)…

Најдобро стојат Арсенал и Милан, кои се единствените клубови кои немаат долгови кон банки, туку само за тековни побарувања од 125 односно 151 милион евра.


Извор Sportski.mk

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде