Она што веројатно ќе даде една подобра слика за процесот на заминување од државата се податоците од Евростат за миграции, а кој ги презентира Виенскиот институт за интернационални студии во најновата анализа за нето-миграцијата во Западен Балкан.
Според овие податоци вкупен број на издадени први дозволи за македонски државјани во ЕУ28 и Исланд, Лихтенштајн, Норвешка, Швајцарија се 160.663.
Притоа 88.267 дозволи се на луѓе кои се приклучиле на своето семејство, односно на член од семејство кој е веќе во некоја од овие земји.
На школување, во овој период заминале 9.324 државјани на Македонија, за активности за усовршување биле дадени 41.189 дозволи и по други основи – 23.932 дозволи. Она што може да се забележи е дека вкупниот број на дозволи е значително помал во периодот од 2010 до 2014 година кога биле издадени 58.865 дозволи, во однос на периодот од 2015 до 2019 година кога нивниот вкупен број изнесувал 101.768.
Анализирајќи ги стимуланси за иселување, Виенскиот институт потсетува на олеснетата регулатива на Германија за работни дозволи за работници од Западен Балкан од 2016 година.
Извор/фото:Агенции