Навивачите на Јунајтед протестираат, сакаат Глејзер да си оди од клубот📷

Група организирани навивачи на Манчестер Јунајтед утрово ја блокираа клупската база во Карингтон во знак на протест против сопствениците на клубот.

Според информациите тие ги блокирале двата влеза во базата и развиле транспарент: „Ние решаваме кога ќе играме“. „Глејзер надвор“ настојувајќи дека фановите треба да имаат 51% од акциите во клубот.

Според информациите од Англија фановите пристигнале во базата во 9 часот утринава, а некои од нив биле спречени да влезат во тренинг центарот. Потоа Солскјер и играчите имале разговор со фановите, кои потоа ги ослободиле влезовите во базата.

Вчера Џоел Глејзер им се извини на фановите за потегот Манчестер Јунајтед да влезе во Суперлигата, а директорот Вудворд најави оставка.


Извор Sportski.mk

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде