Македонија повторно под снег: Кој е за викенд зимска идила може да ги посети овие места

Претежно облачно со повремени врнежи од дожд, пообилни во северните делови. На планините на северозапад ќе врне снег.

Ќе дува слаб до умерен ветер претежно од југоисточен правец. Минималната температура ќе биде во интервал од 3 до 8, а максималната ќе достигне од 8 до 16 степени.

Во Скопје, претежно облачно со повремени врнежи од дожд и со слаб до умерен ветер од северен правец. Минималната температура ќе се спушти до 4, а максималната ќе достигне до 9 степени.

Во недела и понеделник ќе преовладува променливо облачно време со повремени врнежи од дожд со променлив интензитет.

На места врнежите ќе бидат поројни и проследени со грмежи и засилен ветер (локално над 15л/м2 за 24 часа).

На планините врнежите повремено ќе бидат од снег, особено утре и во понеделник. Од вторник времето постепено ќе се стабилизира и температурите ќе бидат во пораст.

И додека метеоролозите го најавија снегот на планините, во текот на ноќта и утрово снег врне на Попова Шапка, Маврово и Нижо Поле, па оние кои сакаат викендот да го поминат во прекрасна зимска идила може да ги посетат овие места.

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде