Барса може да остане без „сигурното“ засилување

Арсенал и Челзи можат сериозно да ги расипат плановите на Барселона и да го „украдат“ Ерик Гарсија пред носот на Каталонците.

20-годишниот талент се смета за скоро сигурно засилување на Барселона, бидејќи неговиот договор со Манчестер Сити истекува на лето.

Медиумите тврдат дека двете страни имаат усен договор, но Барса се уште не испратила официјална понуда. Тоа им дозволува на другите заинтересирани клубови да преговараат со неговиот агент.

Тешката финансиска ситуација ги принудила челниците од „Камп Ноу“ да пристискаат дефанзивецот да ги намали финансиските претензии. Тоа не му се допаѓа на Гарсија и е спремен да слушне други понуди.

Ерик Гарсија на маса веќе има богати понуди од Манчестер Сити, Арсенал и Челзи, па им поставил ултиматум на Каталонците. Барселона има еден месец да ја израмни понудата, или дефанзивецот ќе потпише за друг клуб.


Извор Sportski.mk

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде